भारतीय खाद्यसंस्कृतीत प्रत्येक पदार्थ बनवण्यामागे एक खास उद्दिष्ट दडलेला असतो. कधी कधी ते पदार्थ वातावरणात होणाऱ्या बदलांनुसार बनवले जातात. उन्हाळा सुरू झाला की पावसाळ्याआधी घरोघरी लोणचं बनवण्याची पद्धत भारतात आहे. वर्षभराचा मसाला, साठवणीचे पदार्थ आणि लोणचं तयार करणं हा एक खास कार्यक्रमच असतो. लिंबाच्या लोणच्याचे अनेक फायदे आहेत तोंडाची चव आणण्यापासून प्रतिकार शक्ती वाढवण्यापर्यंत अनेक फायदे लोणच्यामुळे मिळू शकतात.
रोगप्रतिकार शक्ती वाढते-
शरीरात पुरेशी प्रतिकार शक्ती असेल तर कोणत्याही आजारापणातून तुमची सहज सुटका होऊ शकते. प्रतिकार शक्ती वाढण्यासाठी योग्य आहाराची गरज आहे. व्हिटॅमिन सी युक्त फळांमधूनही प्रतिकार शक्ती वाढू शकते. लिंबामध्ये भरपूर प्रमाणात व्हिटॅमिन सी असते यासाठीच लिंबाच्या लोणच्याचा आहारात समावेश करूवा.
रक्तदाब नियंत्रित राहतो-
रक्तदाबावर नियंत्रण असणं खूप महत्त्वाचं आहे. त्यामुळे या लोणच्यातून तुमच्या शरीराला पुरेसं लोह, तांबे, कॅल्शिअम, पोटॅशिअम असे शरीराला आवश्यक खनिजे मिळतात. शरीराला रक्तदाबावर नियंत्रण ठेवण्यासाठी हे घटक गरजेचे असतात. लिंबाचे लोणचे खाण्यामुळे शरीराला हे पोषक घटक मिळतात आणि तुमचा रक्तदाब नियंत्रणात राहतो.
हाडे मजबूत होतात-
वयानुसार हाडे कमजोर होतात आणि हाडांच्या समस्या निर्माण होतात. यासाठीच योग्य प्रमाणात लोह आणि कॅल्शिअमयुक्त पदार्थ आहारात वाढवण्याचा सल्ला दिला जातो. लिंबामध्ये व्हिटॅमिनए, व्हिटॅमिन सी, लोह, कॅल्शिअम, पोटॅशिअम भरपूर असतं. हाडांसाठी लिंबाचे सेवन उपयुक्त ठरतं.
पचनशक्ती सुधारते-
लिंबामध्ये शरीर डिटॉक्स करणारे गुणधर्म असतात. त्यामुळे लिंबाचा आहारात समावेश असेल तर पोट व्यवस्थित स्वच्छ होते. ज्याचा परिणाम पचनशक्तीवर होतो आणि खाल्लेले पदार्थ व्यवस्थित पचतात. पोटाचे विकार, बद्धकोष्ठता, अपचन, गॅस अशा समस्या आहेत. त्यांनी प्रमाणात लिंबाचे लोणचे जेवताना खाण्यास उपयुक्त ठरते.
previous post
next post