प्रतिनिधी : – भगवान खुर्पे
तळेगाव ढमढेरे ता. शिरूर येथील स्वातंत्र्यसैनिक रायकुमार बी गुजर प्रशालेत शनिवार दिनांक 21 जून 2025 रोजी जागतिक योग दिन उत्साहात साजरा करण्यात आला याप्रसंगी प्रशालेच्या प्रांगणात सकाळी योगासने व प्राणायाम प्रात्यक्षिकांना सुरुवात करण्यात आली. प्रशालेचे माजी पर्यवेक्षक श्री प्रभाकर मुसळे तसेच अहिल्यानगर येथील महाराष्ट्र राज्य पॅरा योगासन चॅम्पियन दिव्यांग दिया राजेंद्र जासूद , तसेच प्रशालेचे क्रीडा विभागाचे राजेंद्र भगत व नंदा सातपुते यांनी विद्यार्थ्यांना योगाचे प्रात्यक्षिक करून दाखविले व त्यांना योगासनासाठी व उत्तम सुदृढ निरामय आयुष्यासाठी व्यायाम करण्यासाठी प्रेरणा दिली प्रभाकर मुसळे सर यांनी जीवनात योगसाधनेचे महत्त्व विद्यार्थ्यांना पटवून दिले.आजच्या योग दिनाचे औचित्य साधून विद्या सहकारी बँकेचे संचालक महेश ढमढेरे यांनी प्रशालेस भेट दिली त्यांनी विद्यार्थ्यांना योग दिनाच्या शुभेच्छा दिल्या व त्यांनीही विद्यार्थ्यांबरोबर योग साधना केली व विद्यार्थ्यांना मार्गदर्शन करत असताना ते म्हणाले की माणसाच्या मनाची मशागत करावयाची असेल तर आधी शरीर सुदृढ असायला हवं आणि शरीर सुदृढ हवं असल्यास त्यासाठी योग साधना व व्यायाम याला कुठलाच पर्याय नाही असेही महेश ढमढेरे यांनी विद्यार्थ्यांना सांगितले योगसाधनेला विद्यार्थ्यांनी उत्स्फूर्तपणे प्रतिसाद दिला. या योग दिनाच्या कार्यक्रमाचे सूत्रसंचालन प्रशालेचे उपशिक्षक शिवाजीराव आढाव यांनी केले.जागतिक योग दिनाच्या निमित्ताने प्रशालेतील चित्रकला विभागाच्या वतीने चित्रकला स्पर्धा घेण्यात आली.या योग दिनाचे औचित्य साधून प्रशालेचे मुख्याध्यापक अशोक दहिफळे उपमुख्याध्यापिका सुनीता पिंगळे व सर्व शिक्षक व शिक्षकेतर कर्मचारी यांनीही व्यायाम व योग साधनेचा अभ्यास केला.या योग दिनानिमित्त प्रशालेचे अध्यक्ष कौस्तुभ कुमार गुजर, उपाध्यक्ष श्रीकांत सातपुते, मानद सचिव अरविंद ढमढेरे, ज्येष्ठ संचालक विजय ढमढेरे , यांनी विद्यार्थ्यांना शुभेच्छा दिल्या.